Më datën 08.12. 2021, është realizuar një takim në mes të Divizionit të Trafikut Rrugor, Njësisë për Kontroll të Autostradave, Ministrisë së Mjedisit, Planifikimit Hapësinor dhe Infrastrukturë, konkretisht me menaxherët e mbikëqyrjes së autostradave si dhe me përfaqësuesit e kompanive për mirëmbajtje të rrugëve. Takimi i përbashkët u realizua me qëllim të koordinimit dhe bashkërendimit të aktiviteteve në terren në mënyrë që rrugët të jenë të kalueshme dhe mos të ketë ngecje në qarkullim si dhe të ofrohet siguri për të gjithë pjesëmarrësit në trafik.