Arrestohet një person për shkak të shtënave me armë në një aheng familjar
Vushtrri, 9 Gusht 2025
Në orët e mbrëmjes të datës 09.08.2025, Policia në Vushtrri është njoftuar për të shtëna me armë zjarri në rrugën ,,Hajriz Musa”.
Njësitë policore kanë reaguar dhe kanë identfikuar lokacionin në të cilin ishte duke u mbajtur një aheng familjar. Gjithashtu kanë identifikuar personin i cili kishte shtënë me armë zjarri.
Personi i dyshuar i moshës 29 vjeçare, shtetas i Republikës së Kosovës, është arrestuar dhe është shoqëruar në stacionin policor ndërsa janë konfiskuar në cilësi të provave materiale: një (1) armë e llojit pistoletë me gas, një (1) karikator, nëntëmbëdhjetë (19) fishekë dhe tri (3) gëzhoja.
Pas intervistimit, me urdhër të prokurorit kujdestar, i dyshuari është liruar në procedurë të rregullt ndërsa ndaj tij është iniciuar rast penal për veprat: ,,Armëmbajtje pa leje” dhe ,,Përdorim i armës apo mjetit të rrezikshëm”.
Statstikat e përgjithshme: 2026-06-01
0
Aksidentet Fatale
18
Aksidentet Me te Lenduar
21
Aksidentet Pa te Lenduar
1842
Tiketa Trafiku Te Shqiptuara
7
Arrestime
5
Ne Mbajtje