Policia në Mitrovicën e Jugut me plan të veçantë në trafik-fokuson kontrollin e kamionëve me tonazh të rëndë
Mitrovicë Jug, 07 tetor 2025
Me qëllim të rritjes së sigurisë në trafik dhe parandalimit të aksidenteve rrugore, Stacioni Policor Jugu në Mitrovicë, ka zbatuar një plan të veçantë operativ me fokus në kontrollin e kamionëve me tonazh të rëndë.
Gjatë kontrolleve të zhvilluara në pika të ndryshme, janë evidentuar disa parregullsi teknike dhe ligjore, përfshirë:
– gomat e dëmtuara,
– mungesa e pajisjeve të detyrueshme,
– skadim i regjistrimit të automjeteve.
Si rezultat, ndaj (51) kundërvajtësve janë shqiptuar gjoba për kundërvajtje në trafik, sipas ligjeve në fuqi.
Policia, apelon tek të gjithë pjesëmarrësit në trafik, e veçanërisht tek drejtuesit e automjeteve të rënda, që të respektojnë rregullat dhe normat e sigurisë rrugore, me qëllim të parandalimit të aksidenteve dhe ruajtjes së jetës së qytetarëve.
Statstikat e përgjithshme: 2026-06-01
0
Aksidentet Fatale
18
Aksidentet Me te Lenduar
21
Aksidentet Pa te Lenduar
1842
Tiketa Trafiku Te Shqiptuara
7
Arrestime
5
Ne Mbajtje