Malishevë, 25 gusht
Rreth orës 22:30 minuta, Policia e Malishevës , pasi kishte siguruar përmes rrugëve operative një informatë e cila bënte me dije se një i arratisur nga fshati Shalë e Lipjanit i cili dyshohet të jetë autori i vrasjes së një qytetari nga Gjakova që pati ndodhur me datë 24 qershor 2014, kishte gjetur jatak dhe po rrinte i fshehur në fshatin Tërpezë e Malishevës. Pas informacionit policia ka vepruar dhe e ka arrestuar të dyshuarin i cili nuk ka bërë fare rezistencë. I njëjti pritet t’u dorëzohet autoriteteve policore të Gjakovës.