Me datën 16 maj 2025, rreth orës 09:15, në fshatin Bob të Kaçanikut, Policia e stacionit në Kaçanik ka lokalizuar dhe ka arrestuar një person të kërkuar nga gjykata.

I arrestuari, A.Ç. (23 vjeç), ishte në kërkim në bazë të një urdhërese të lëshuar nga Gjykata Themelore në Ferizaj, për veprën penale “Mbajtje në pronësi, kontroll ose posedim të paautorizuar të armëve ”, për të cilën ishte dënuar me gjashtë (6) muaj burgim.

Pas përfundimit të procedurave policore, ai është dërguar për vuajtjen e dënimit.

Policia Rajonale e Ferizajt mbetet e përkushtuar në zbatimin e urdhëresave gjyqësore dhe forcimin e sundimit të ligjit.