Mbrëmë rreth 23:00 kemi pranuar informatën për një rast grabitje në rrugën “Perandori Justinian” në Prishtinë, ku nga një person i dyshuar me forcë nën kërcënimin e armës së ftohtë (thikë), i është marrë viktimës një shumë parash.

Menjëherë pas informatës të gjitha njësitë e nevojshme policore kanë nisur punën e tyre në drejtim të identifikimit dhe arrestimit të personit të dyshuar.

Veprimet operative kanë rezultuar me identifikimin dhe arrestimin e personit të dyshuar, të cilit i janë gjetur dhe sekuestruar një thikë dhe një sasi e substancës narkotike.

Personi i dyshuar ( i mitur ) mashkull, shtetas i Republikës së Kosovës, pas intervistimit me vendim të prokurorit është dërguar në mbajtje.