Sot, në objektet e Drejtorisë Rajonale të Policisë në Prizren, u bë njoftimi mbi përfundimin e projektit mbi instalimin e kamerave të sigurisë në fshatin Novakë, Komuna e Prizrenit, fshat ky i banuar kryesisht me banorë të komunitetit serb.

Të pranishëm në takim ishin, përfaqësuesit e OSBE-se, të cilët e bënë të mundur realizimin e projektit, përfaqësuesi i Drejtorisë për Emergjenca i Komunës së Prizrenit, përfaqësuesit e Drejtorisë Rajonale të Policisë në Prizren si dhe përfaqësuesit e Stacionit Policor Prizren Veri – si stacion që do të bëjë monitorimin e kamerave të sigurisë, ndërsa përfituesit kryesor në këtë drejtim janë banorët e fshatin Novakë, Komuna e Prizrenit.

Me këtë rast u bë pranimi i pajisjeve të vendosura në Shërbimin e Kujdestarisë së SP Prizren -VERI, sikurse në vijim:

-Një shtëpize kompjuteri;

-Një monitor (ku do të vëzhgohen 9-të kamerat e vendosura në Novakë) si dhe paisje përcjellëse.

Për mirëmbajtjen e rrjetit për një vit do të kujdeset kompania qe ka ekzekutuar projektin ndërsa pagesën e internetit për një vit e paguan OSBE-ja, kurse pas kësaj për mirëmbajtje zotohet se do ta e bëjë Komuna e Prizrenit përkatësisht Drejtoria e Emergjencave në Prizren.

Me këta rast u shkëmbyen falënderimet e ndërsjella për finalizimin e këtij projekti shume të vlefshëm për sigurinë dhe mirëqenien në komunitet.