Policia në Ferizaj, bazuar në Strategjinë e Integruar të Policimit të Drejtuar nga Inteligjenca dhe Policimit në Bashkësi , me qëllim të sensibilizimit dhe vetëdijesimit të nxënësve, në bashkëpunim edhe me OJQ-në ‘’Kuvendi i të Rinjve Ferizajt’’ ka vazhduar me ligjërata në shkollat e Ferizajt me tema të ndryshme si : ‘’Drogat ‘’, ” Siguria në komunikacion” , “Huliganizmi në shkolla ” , “Ngacmimet seksuale” dhe ’’ Dhuna në Familje’’

Ligjëratat po mbahen nga ana e instruktorëve- zyrtarëve policor , të trajnuar enkas për këto ligjërata dhe trajnerëve nga OJQ’’ Kuvendi i të Rinjve të Ferizajt’’.

Policia ka për synim vetëdijesimin e nxënësve për të kontribuar në parandalimin e dukurive negative në shoqëri.

Gjithashtu , nxënësit u njoftuan edhe për detyrat dhe përgjegjësitë që ka policia në fushën e parandalimit, ashtu edhe të reagimit, përkatësisht të trajtimit të rasteve të kësaj natyre si dhe për pasojat që shkaktojnë këto dukuri.

Temat e ligjëruara kanë zgjuar kureshtje tek nxënësit, duke qenë bashkëbisedues në temat në lidhje me këto dukuri.

Kësisoj, policia ka mbajtur ligjërata edhe në komunën e Shtimes dhe të vazhdojë të mbajë ligjërata edhe në shkollat e komunave tjera të rajonit të Ferizajt!