Edhe sot ka vazhduar projekt-fushata vetëdijësuese ‘Shpejtësia nuk është aftësi. Është rrezik.’, me moton “Mos e mat jetën me kilometra në orë”, ku policët e Njësisë së Komunikacionit Rrugor dhe të stacioneve policore të Ferizajt, Kaçanikut, Shtimes, Shtërpcës dhe të Hanit të Elezit kanë shpërndarë fletëpalosje për shoferët e automjeteve, duke apeluar për respektimin e kufizimeve të shpejtësisë.