Bazuar në projektin “Së bashku kundër bullizmit në shkolla”, në koordinim me DKA-në Dragash, policia ka mbajtur ligjëratë me nxenës në dy shkolla me temen: ,,Së bashku kundër bullizmit në shkolla”, në shkollën fillore ,,Ilmi Bahtjari” në fshatin Blaç, dhe në shkollën fillore ,,28 Nëntori” në fshatin Brodosanë në Dragash, duke ligjëruar temën e bullizmit si dukuri që fëmijët të pajisen me më shumë njohuri sa i përket sjelljeve jo shoqërore të shfaqura nga të miturit, dukurive negative të cilat janë prezente tek të miturit dhe mundësinë e parandalimit të tyre.

Njëkohësisht janë përmendur edhe format dhe llojet e bullizmit si dhe masat për parandalimin e kësaj dukurie.

Me ligjërata të tilla do të vazhdohet edhe me tutje në shkollat tjera.