Drejtoria Rajonale e Policisë – Prishtinë, po ndërmerr të gjitha masat e nevojshme policore për të siguruar rendin dhe qetësinë publike në rajonin e Prishtinës.

Në kuadër të veprimeve operative që po kryen policia, me qëllim parandalimin dhe zbulimin e veprave kriminale, gjatë fundjavës që kaloi në raste dhe lokacione të ndryshme, janë gjetur dhe sekuestruar 8 armë prej tyre dy armë të ftohta- thika.

Ndaj personave të dyshuar janë inicuar raste për mbajtje në pronësi, kontroll ose posedim të paautorizuar të armëve.