Prizren, 14 janar
Rreth orës 12:50 në lagjen Dardania (Jaglenicë) në podrumin e ëmbëltores “Fati” ka rrjedhur gazi dhe për pasojë ka pasur një eksplodim nga i cili kanë marrë plagë pesë persona. Të lënduarit janë dërguar në emergjencën e spitalit rajonal në Prizren për trajtim mjekësor. Një femër e cila kishte pësuar lëndime të rënda është transferuar në QKUK në Prishtinë, ndërsa katër të tjerë që janë lënduar më lehtë kanë marrë trajtim mjekësor në Prizren. Në vendin e ngjarjes kanë dalë njësitet relevante së bashku me prokurorin e shtetit dhe drejtorin rajonal të Policisë së Prizrenit. Po ashtu edhe zjarrfikësit kanë kryer punën e tyre.