Policia e kosovës
Policija Kosova / Kosovo Police

Zëvendësministri i MPBAP-së Bajram Gecaj vizitoi Policinë e Kosovës

Zëvendësministri i MPBAP-së Bajram Gecaj vizitoi Policinë e Kosovës

Prishtinë, 24 mars 2020
Në ambientet e Drejtorisë së Përgjithshme të Policisë së Kosovës qëndroi për një vizitë zyrtare Zëvendësministri i Ministrisë së Punëve të Brendshme dhe Administratës Publike, z. Bajram Gecaj, i cili u prit nga Drejtori i Përgjithshëm i Policisë së Kosovës z.Rashit Qalaj .
Drejtori i Përgjithshëm z.Qalaj fillimisht e uroi z. Gecaj për pozitën e Zëvendësministrit, dhe njëkohësisht e njoftoi lidhur me angazhimet dhe aktivitetet policore që po ndërmerren, pas situatës dhe rrethanave të krijuara nga pandemia, coronavirusi COVID-19.
Drejtori Qalaj ndër të tjera potencoi se konform urdhrit operativ të PK-së janë duke u realizuar të gjitha aktivitetet dhe detyrat policore të cilat janë të harmonizuara sipas planit për gatishmëri dhe reagim.
Ndërsa Zëvendësministri Gecaj vlerësoi lartë rolin dhe punën profesionale të Policisë së Kosovës në tersi, e në veçanti për angazhimet e pakursyera që kanë për qëllim bashkërendimin dhe koordinimin e veprimeve të përbashkëta ndërinstitucionale në sigurinë e qytetarëve dhe parandalimin e pandemisë COVID-19.

Zëvendësministri Gecaj, njëherit premtoi mbështetjen dhe përkrahjen e pakursyer të MBPAP-së, në fuqizimin dhe avancimin e Policisë së Kosovës, si një institucion mjaft i rëndësishëm në zbatimin dhe sundimin e ligjit në Kosovë.

Statstikat e përgjithshme: 2020-04-01
0
Aksidentet Fatale
1
Aksidentet Me te Lenduar
3
Aksidentet Pa te Lenduar
127
Tiketa Trafiku Te Shqiptuara
28
Arrestime
11
Ne Mbajtje