Përurohet nënstacioni policor në Komoran – një hap i rëndësishëm drejt rritjes së sigurisë dhe fuqizimit të partneritetit me qytetarët
Sot, më datë 10 prill 2026 u mbajt ceremonia e përurimit të nënstacionit policor në Komoran, një projekt me rëndësi të veçantë për avancimin e sigurisë publike dhe përmirësimin e ofrimit të shërbimeve policore ndaj qytetarëve.
Në këtë ceremoni morën pjesë përfaqësues të lartë institucionalë, përfshirë Drejtorin e Përgjithshëm të Policisë së Kosovës, Kolonel Gazmend Hoxha, Kryetarin e Komunës së Drenasit, z. Ramiz Lladrovci, përfaqësues institucionalë, eprorë e zyrtarë të Policisë së Kosovës.
Përurimi i këtij nënstacioni përfaqëson një hap të rëndësishëm në forcimin e kapaciteteve institucionale të Policisë së Kosovës si dhe thellon bashkëpunimin dhe partneritetin me komunitetin në këtë zonë.
Me këtë rast, drejtori i përgjithshëm i Policisë së Kosovës i ndau letërfalënderim Kryetarit të Komunës së Drenasit, z. Ramiz Lladrovci, në shenjë vlerësimi për bashkëpunimin dhe mbështetjen e ofruar në realizimin e këtij projekti.
Nënstacioni policor në Komoran do të kontribuojë drejtpërdrejt në rritjen dhe fuqizimin e rendit dhe ligjit, si dhe në ofrimin e shërbimeve edhe më efikase dhe më të afërta për qytetarët.
Statstikat e përgjithshme: 2026-06-01
0
Aksidentet Fatale
18
Aksidentet Me te Lenduar
21
Aksidentet Pa te Lenduar
1842
Tiketa Trafiku Te Shqiptuara
7
Arrestime
5
Ne Mbajtje