Prishtinë, më 17 qershor 2025

Sot, drejtori i përgjithshëm i Policisë së Kosovës (PK), kolonel Gazmend HOXHA, priti në takim znj. Martina LINK, Zëvendës Presidente e Zyrës Federale të Policisë Kriminale të Gjermanisë (BKA).

Takimi u zhvillua në një atmosferë të jashtëzakonshme mikpritjeje dhe bashkëpunimi, duke u vlerësuar si historik për marrëdhëniet ndërinstitucionale në fushën e sigurisë.

U diskutua për forcimin dhe avancimin e bashkëpunimit profesional ndërmjet Policisë së Kosovës dhe BKA-së, me fokus në shkëmbimin e përvojave dhe rritjen e sigurisë së përgjithshme.

Ky takim, është dëshmi e përkushtimit të përbashkët për luftimin e krimit dhe ndërtimin e një mjedisi më të sigurt për të gjithë.